Әнием Айгөл исемле, бер бите ай, берсе – гөл

Әнием.
Әнием Айгөл исемле, 
Бер бите ай, берсе – гөл. 
Кояш кебек нурлы йөзе
Балкый, елмая ул гел.
Татар халык ашларын
Пешереп кенә тора.
Без кайтуга өстәлләр
Ризыклар белән тула.
Өчпочмаклар, шәңгәләр
Исе таралган өйгә.
Түгәрәк өстәл артына
Җыелдык чәй эчәргә.
Рәхмәт, әни, тәмле булган
Пешергән ризыкларың!
Бераз сыйпап алыйм әле,
Ял итсеннәр кулларың!
Вәлеева  Ильвина, Чаллы шәһәре, 42нче мәктәпнең 3нче сыйныф укучысы.