Мәзәкләр

— Самат, син нишләп аягыңа резин итекләр киясең? Урамда бит күлләвекләр дә юк, пычрак та түгел. 
— Ә мин аларны эзләп табачакмын!

Йомры икмәк мунчадан чыгып килә икән, үзе зарлана, ди:
— Ай тишек хәтер! Башны юарга онытканмын бит.

Самат бабасыннан сорый икән:
— Бабай, миңа 100 сум акча бир әле.
— Нәрсә дисең, улым? Ай, колагым ишетми.
— 200 сум акча бирмәссеңме икән?
— Нигә? Әле генә 100 сум сораган идең бит.