Мәзәкләр

Кечкенә Алия әнисенең өй җыештырганын карап тора да:
— Әнием, сиңа ярдәм кирәкмиме? — дип сорап куя.
— Әй кызым, кирәк шул.
— Әти, әнигә монда ярдәм кирәк икән. Булышмассыңмы?

Кәрим белән сеңлесе Алсу зоопарктагы бассейн янында сөйләшәләр икән:
— Абый, әнә кит йөзә.
— Юк, сеңлем, бу крокодил, — дип төзәтмәкче була абыйсы.
— Юк, бу кит.
Шул вакыт судагы хайван коры җиргә чыгып ята.
— Күрәсеңме? — ди Кәрим, — кит булса, беркайчан да коры җиргә чыкмас иде. 
— Чепуха! Үзең күреп торасың: кайвакытта чыгалар икән, — дип үзенекен такмаклый Алсу.

— Балалар! Без бүген зоопаркка барабыз! — дип белдерү ясый тәрбияче.
— Ә нигә? — дип сорый бер кызчык.
— Син анда бүре, аю, төлке, куян белән танышырсың.
— Йомры икмәк тә булачакмы соң?