Мәзәкләр

— Ял көннәрендә 60 градус эссе булачак.
— Бу мөмкин түгел! 
— Мөмкин. Шимбә — 30, якшәмбе — 30.
***
Әти кеше газетадан чит ил командасы белән контракт төзегән футболист турында укып утыра да, бик бирелеп китап укыган малаена эндәшә:
— Гел китап тотып утырма инде, улым, әзрәк футбол уйнап кер! 
***
Бер студент француз теленнән имтихан биреп чыга. 
— Йә, ничек, булдымы? — дип сорыйлар аннан иптәшләре.
— Булды бугай, — дип җавап бирә студент.
— Укытучы нинди сораулар бирде соң?
— Каян белим соң? Ул бит французча сөйләшә!
***
Рәсем дәресендә бер малай икенчесенең рәсеменә карап әйтә икән: 
— Шәп ясагансың син! Минем сразы тамаклар ачып китте!
— Кояш батуның ашауга нинди катнашы бар соң? — дип гаҗәпләнә тегесе. 
— Кояш бату мыни әле бу? Ә мин тагын йомырка тәбәсе дип торам!