Физкультминут өчен шәп күнегү!

Татар теле дәресендә «физкультминутка» ясап, «очучы антонимнар» уены уйнап алганыгыз юкмы? Кызык ул! Моның өчен түгәрәкләнеп басабыз, беребез волейбол тубы ала. Һәм нинди дә булса сыйфат-сүз әйтеп, тупны иптәшебезгә төбәп атабыз.

– Кәрим, тирән!

Кәрим тупны алганда «тирән»нең антонимын атарга тиеш:

– Сай!

Аннары инде ул үзе нинди дә булса сыйфат уйлап таба:

– Миләүшә, караңгы!

Миләүшә тупны тотып алганда инде караңгы сүзенең антонимын эзләп табарга тиеш була.

– Якты!

Антоним уйлап таба алмаган кеше уеннан чыга.