Бураннан соң

Хәниф белән Мөниф иртән

Кар көрәргә чыкканнар,

Икесе дә кулларына

Кар көрәге тотканнар.

Бергәләп эш эшләгәндә,

Нәтиҗә була ишле:

Хәниф өч көрәк атканда,

Мөниф томыра бишне.

«Йөз көрәк кар ыргыттым!» — дип

Мактанып куйды Мөниф.

«Ә мин санап тормадым», — дип

Җавап кайтарды Хәниф...

Әгәр башваткыч яратсаң,

Санап бир әле яттан:

Хәниф белән Мөниф бергә

Ничә көрәк кар аткан?

Көннең кыскача яңалыклары безнең телеграм-каналда https://t.me/chelny_rt

Без Вконтактеда https://vk.com/komesh_kingiray