Бер тамчы да өрми ул, койма буйлап үрли ул...

Бер тамчы да өрми ул,

Койма буйлап үрли ул.

Эт түгел, тешләп ала,

Күзләрне яшьләп ала.

(Кычыткан)

Җәй көнендә ял итә,

Кышын көн буе чаба.

Балаларның дусты ул,

Аның исеме — ... .

(Чана)

*   *   *

Үзе жираф кебек ул,

Муенын як-якка бора.

Тик азык эзләп йөрми,

һаман бер җирдә тора.

(Кран)

*   #   *

Бүре күрсә, төлке күрсә,

Куркуга калыштыра.

Кыш җитүгә, кигән тунын

Ак төскә алыштыра.

(Куян)

*   *   *

Яшел төсен югалтмый ул,

Кайсы гына чакта кара!

Кышын, якын җибәрмичә,

Энәләре саклап тора!

(Чыршы)

Рифмалы табышмаклар

Табынга утыра, мичтән төшеп,

Сырлы түбәләенең түбәсе тишек.

(бәлеш)

Яңгыр килсә — табактай,

Кояш чыкса — таяктай.

(Зонтик)

*    *   *

Кояш кебек ялтырый,

Эчендә су калтырый.

(Самавыр яки чәйнек)

*    *   *

Симез генә ак тана,

Мөгезем бар, дип мактана.

(Чәйнек)

*    *   *

Үзе килә — эзе юк,

Борыны бар — йөзе юк.

(Көймә)

Үзе йөри — атламый,

Симерүдән туктамый.

(Орчык белән җеп эрләү)

*    *   #

Җаны бар — каны юк,

Уникедән артык саны юк.

(Сәгать)

*   #   *

Кырда йөри — аты юк,

Төтене бар — уты юк.

(Томан)

***

Очрады зур оя:

Аласың, аласың,

Алган саен зурая.

(Чокыр)