Тәмле булсын!
Тиз рецепт: экспресс-хачапури
Бүген хачапурига охшаган ризык пешереп карыйбыз. Ул бик туклыклы һәм телеңне йотарлык тәмле. Ә иң мөһиме үтә дә җайлы пешерелә.
Кирәк булчак:
- каты сыр – 200г,
- укроп – 100г,
- йомырка – 2шт,
- каймак – 200г,
- он – 2 аш кашыгы,
- үсемлек мае – 2 аш кашыгы.
Сырны угычтан уабыз. Өстенә йомырка сытабыз. Укропны турап салабыз. Каймак, он өстәп яхшылап болгатабыз. Табага үсемлек мае салып кыздырабыз. 7-8 минуттан, хачапурины сак кына өстен аска әйләндерәбез. Аннан тагын 8 минут кыздырабыз. М-м, аш бүлмәсенә хуш исләр таралды. Ашларыгыз, тәмле булсын!
Следите за самым важным и интересным в Telegram-каналеТатмедиа
Безнең телеграм каналга язылыгыз «Көмеш кыңгырау»
Нет комментариев