Кышка кыяр, помидор һәм болгар борычыннан салат

Кирәк була:

Кыяр - 5 кг.
Помидор – 2 кг.
Сарымсак – 2 баш.
Кызыл борыч – 3 данә.
Шикәр комы - 130 г (2/3 стакан).
Тоз - 3 аш кашыгы (тәме буенча).
Үсемлек мае - 1 стакан (200 мл).
Аш серкәсе 6% - 50 мл.

Бу ингредиентлардан 7 л әзер продукт килеп чыга.

• Барлык яшелчәләрне яхшылап юарга һәм чистартырга.
• Помидорны турарга, үзәген алырга.
• Кыярны тәгәрмәчләп турарга.
• Борыч, помидор,сарымсакны иттарткыч аша үткәрергә.
• Кыярны иттарткычтан чыгарылган масса белән болгатырга.
• Шикәр комы, тоз, май өстәргә.
• Барысын бергә яхшылап болгатырга.
• Кайнап чыкканнан соң 7 минут пешерергә.
• Сүндерер алдыннан аш серкәсе өстәргә.
• Банкаларны сода белән юарга, үзегез теләгән ысул белән стерильләштерергә. Капкачларны кайнатырга.
• Салатны кайнар килеш банкаларга тутырырга. Банкаларны каплап, суытырга куярга.

Кыяр салаты әзер.
Ашларыгыз тәмле булсын!