Кишер торты

Камыр өчен:

кишер – 150 г

йомырка – 3 ш.

шикәр комы – 1 стакан.

он – 1 ст

көпшәклөндергеч – 1,5 чәй калагы.

Крем өчен:

каймак – 250 г

куертылган сөт (сгущенка) – 150 г 

Кишерне вак кыргычта кырабыз. Йомыркага шикәр комы салып күпертәбез, миксер белән булса, тагын да шәп булачак. Бу массага кишерне, он һәм көпшәкләндергечне салып болгатабыз. Форманың төбен май белән буяп, камырны агызабыз һәм духовкага куябыз. 180°С та 30 – 35 минут пешерәбез.

Бисквит суынганчы крем ясап куйыйк. Монда инде барысы да бик гади. Каймакка куертылган сөт салып күпертәбез.

Бисквитны аркылы кисеп, уртасына һәм өстенә крем ягабыз. Тортыбыз әзер. Якыннарыбызны чәй өстәленә чакырсак та була.