Япон салаты «Кани сарада» ясыйбыз

Бу салатның төп ингредиентлары – краб таякчыклары, кыяр һәм болгар борычы. Төрле рецептларда бу ингредиентларга тагын помидор, брокколи, кишер, консервланган кукуруз салып ясала торганнары бар.

Ә безнең салат өчен кирәк була:

• краб таякчыклары
• кыяр
• болгар борычы
• помидор
• яшел суган
• майонез, төелгән кара борыч, лимон согы.

Барлык ингредиентларны турап, тәлинкәгә салабыз һәм майонез, төелгән кара борыч, лимон согы салып болгатабыз. Өстенә кунжут орлыгы сибеп бизәргә мөмкин. Ашларыгыз тәмле булсын!