«Гусеница» (тәмле чылбыр) пешерәбез
Мин – Нәргизә, пешеренергә яратам. Бүген без сезнең белән, әйдәгез, бик тәмле ашамлык – «гусеница» (тәмле чылбыр) пешереп карыйбыз.
Кирәк булачак:
– камыр 250 мл;
– 4 сосиска;
– 1 йомырка.
Камырны җәябез һәм дүрткә бүләбез. Йомырканың агын сарысыннан аерабыз. Камыр кисәкләренә йомырка агы сылыйбыз.
Камыр белән сосисканы төрәбез һәм 1 см калынлыкта кисәкләргә бүләбез. Тик бүлемтекләрне кисеп бетермибез. Түгәрәкләрне ике якка аерып, гусеница-чылбыр ясыйбыз. Һәм йомырка сарысы сөртәбез. Духовкага тыгып, 180 градуста 15-20 минут пешерәбез. Тәмле булсын, дусларым!
Нәргизә Гарипова, Минзәлә шәһәре гимназиясе, 4нче сыйныф.
Следите за самым важным и интересным в Telegram-каналеТатмедиа
Безнең телеграм каналга язылыгыз «Көмеш кыңгырау»
Нет комментариев