Хуш киләсең, көзбикә!

Җиргә яфрак коелган,
Сап-сары келәм булган.
Яфракларны без җыярбыз,
Букет ясап куярбыз.
Көз! Бу ел фасылы башкаларыннан аеруча матурлыгы белән аерылып тора. Табигать үзенә генә хас бер төскә керә. Көз табигатьне төрле төсләргә мана. Көзнең бер матур көнендә Чаллы шәһәренең 46нчы “Каен җиләге” балалар бакчасы 6нчы санлы 2нче кечкенәләр төркемендә бик күркәм көз бәйрәме үтте.

Балалар бу бәйрәмне бик көтеп алдылар. Ата-аналар, балалар белән берлектә эшләнгән көзге кул эшләнмәләрен дә алып килгәннәр иде. Бәйрәм бик күңелле үтте.
Чаллы, 46нчы “Каен җиләге”балалар бакчасы тәрбиячесе Сайтакова Алина Насиховна.