“Урманда кунакта” - кроссворд

Сораулар:

1. Тәне тулы тәңкәсе, елга аның әнкәсе.
2. Җәен урманга патша, кышын кардан да аста.
3. Күрер-күрмәс күзләре, челтәр бәйли үзләре, челтәре түгәрәк, эшли алар үрмәләп.
4. Чи-чи итә, читкә сикерә.
5. Кояш түгел — оча, ябалактан курка, чикләвек ярата, сызгырса, урманны яңгырата.
6. Нечкә билле, көлтә койрыклы. Хәйләкәр үзе. Кем ул?
7. Тоттырмый, китә очып, я кала җирдә качып.
8. Бер йомгакта мең энә, сиңа тими, син тимә.
9. Агач башы тукылдык, тукый-тукый тук булдык.

Җаваплары: 1. Балык, 2. Аю, 3.Үрмәкүч, 4.Чикерткә, 5. Тиен, 6. Төлке, 7. Куян, 8. Керпе, 9. Тукран.

Төзеде: Нуретдинова Зимфира Солтан кызы, Нурлат районы, 14 нче номерлы «Әкият» балалар бакчасы.