Сүз байлыгын үстерү темалар буенча дидактик уеннар

«Яшелчә кафесы» дидактик уены.

Максат. Балалар сөйләмендә яшелчәләрдән әзерләнгән ризыклар исемнәрен активлаштыру. Балаларның уен эшчәнлеген диалоглар нигезендә үстерү.

Материал: пешекче башлыгы, яшелчәләр сурәтләнгән рәсемнәр.

Уен барышы

Балалар яшелчә ризыклары әзерләүче «пешекче»не сайлый. Мәсәлән:

• Зинһар, миңа тәмле кишер суы әзерләгез.
• Миңа кыяр белән кәбестә салаты әзерләгез әле. 

«Җөмләне төгәллә» дидактик уены.

Максат. Балаларның яшелчә төрләрен белүен ныгыту. Сүзлек запасын киңәйтү һәм активлаштыру.

Материал: туп.

Уен барышы

• Кыяр озынча, ә кабак…
• Суган ачы, ә кишер…
• Кыяр яшел, ә чөгендер…
• Редиска вак, ә шалкан…
• Ташкабак зур, ә кабак…
• Кишер баллы, ә сарымсак…
• Кишер туфракта, ә помидор…
• Помидор түгәрәк, ә кишер…

Галимова Әлфия Нәбиулловна, Балтач районы Сосна авылы балалар бакчасы.