«Сәйләннәр» «Эколята-дошколята» проектына кушылды

Безнең “Сәйләннәр” мәктәпкәчә белем бирү учреждениясе “Эколята-дошколята” проектында елдан-ел теләп катнаша. “Эколята” логотибын Һәм “Умница”,“Елочка”, “Тихоня”, “Шалун” образларын әти-әниләр белән бергә кардан әвәләп, матур итеп бизәдек. Нинди сокландыргыч кечкенә шәҺәрчек барлыкка килде!

Ә ни өчен кирәк бу безгә? Чөнки без табигатьне саклап кына түгел, ә аны баетырга, тулыландырырга тиеш.

Иң элек мәйданчыкның проектын әзерләдек, уен, спорт элементларын билгеләдек. Нәрсә генә юк монда: бормалы лабиринтлар, йөгерү, сикерү, атлау киртәләре, шома бозлы таулар һәм, әлбәттә, нәни дусларыбызга җимлекләр! Ә сез ясадыгызмы?...

126нчы “Сәйләннәр” балалар бакчасының өлкән тәрбиячесе,

 Харисова Гөлшат Ренат кызы

126нчы “Сәйләннәр” балалар бакчасының татар теле тәрбиячесе,

Валиева Гөлназ Әхнәф кызы.

Безнең телеграм каналга язылыгыз «Көмеш кыңгырау»