Дөрес сөйләм – иң беренче чиратта ата-аналарның максатчан эш нәтиҗәсе.
Матур сөйләм дөрес әйтелештән башка мөмкин түгел. Сөйләмнең әйтелеш ягын артикуляцион гимнастика һәм сөйләм сулышын үстерү аша формалаштырырга кирәк. Мондый күнегүләрне көзге алдында эшләү файдалы:
– яңакларны кабарту һәм өрү,
– яңакларны эчкә тартып, үбүне имитацияләү,
– тешләрне күрсәтмичә генә иреннәрне киң итеп «колакка кадәр» җәю
– иреннәрне бөреп алга сузу.
Махсус уен күнегүләре ярдәмендә сөйләм сулышын үстерү файдалы: сабын куыклары өрү, курай уйнау яки сыбызгы сызгырту, җиңел пинг-понг шарына, мамыкка өрү.
Дөрес сөйләм – иң беренче чиратта ата-аналарның максатчан эш нәтиҗәсе. Сөйләм үсешенең һәр этабында сабыйга әти-әнисенең игътибары һәм ярдәме кирәк – тел күнекмәләрен формалаштыруны һич кенә дә үзагымга җибәрергә ярамый.
Гареева Миләүшә Мөҗәһитовна, Чаллы, 126нчы "Бисеринки" балалар бакчасы.
Фото Фрипик сайтыннан.
Безнең телеграм каналга язылыгыз «Көмеш кыңгырау»
Комментарии
Без имени
0
0
Сорау: дөрес сөйләм нинди телдә? Безнең балаларга татар теле кирәк!