Көзге муллык күргәзмәсе

Чаллының 77нче «Теремкәй» балалар бакчасында шушы көннәрдә алтын көзгә багышланган «Көзге муллык» дип исемләнгән матур күргәзмә булып узды. Анда балалалар әти-әниләре белән берлектә ясаган көзге экспонатлар күрсәтелде. Берсеннән-берсе матур, зәвыклы, күз явын алырдай көзге күргәзмә әсбаплары атна дәвамында безнең, ата-аналарның, балаларның күңелләрен күтәреп, көз фасылына булган мәхәббәтебезне тагын да арттырып торды.

Хаҗиева Сәрия Рәшитовна (туган тел тәрбиячесе), Галиәкбәрова Гүзәл Зөфәровна (тәрбияче).
Чаллының 77нче «Теремкәй» балалар бакчасы.

Фото шәхси архивтан.