Яшәсен яшел планетабыз — Җиребез!

22нче апрельдә бөтен дөньяда Җир көне билгеләп үтелә. Ул кешенең экология өлкәсендә, ягъни табигать каршындагы бурычларын барлау көне. Шул уңайдан 121 нче «Сабантуй» балалар бакчасының зурлар төркемендә Җир-Ана турында бик эчтәлекле шөгыль үткәрдек.

Шөгыльгә әзерлекне иртән сафада йөргәндә участоктагы чүпләрне җыюдан башладык. Табигатьтә ял иткәндә үз-үзеңне тоту кагыйдәләрен искә төшердек. Дөньяда экологик проблемаларны чишү һәм булдырмау юлларын ачыкладык. «Нәрсә ул яхшы? Нәрсә ул начар?» уены сабыйларга Җир-Анабыз өчен нинди файда китерә алу мөмкинлекләрен ачыкларга ярдәм итте. Рәсемнәр буенча балалар үз фикерләрен белдерде, сөйләм телләрен үстерде. Балалар табигатьне саклау — һәр кешенең изге бурычы икәненә төшенделәр дип уйлыйбыз. Әгәр кешеләр аны сакламыйлар икән, димәк кеше үз — үзен юк итә дигән нәтиҗә чыгардык.

121нче «Сабантуй» балалар бакчасы тәрбиячеләре Сәхәбетдинова Гөлнара Рәшит кызы һәм Муллагалиева Гөлназ Маһирҗан кызы.