Яңа ел адвент-календаре

Нәрсә ул адвент-календарь? Адвент-календарь – матур бизәлгән плакат, бәйрәмне көтү 
календаре. Ул календарь ярдәмендә тантананы якынайталар, бәйрәм көненә нихәтле вакыт калганын 
чутлыйлар, көн дә кызыклы биремнәр үтиләр, яңа белем алалар.
Хәзерге заманда адвент-календарьне еш кулланалар.
Без дә үзебезнең балалар бакчасында аны кулланып карарга булдык һәм “Яңа ел бәйрәме”нә 
багышлап ясадык. Балалар һәр биремдә рәхәтләнеп катнаштылар. Шулай итеп, алар мәгълүматны 
тупларга һәм җыярга, өйрәткән теманы яхшырак аңларга һәм истә калдырырга, үткәнне кабатларга 
өйрәнә. Бу бик яхшы алым. Баланың сөйләмен, фикерләү сәләтен үстерэ. 
Яңа еллар күңелле узсын! Шатлык-куанычлы хәбәрләр килеп торсын! 

109нчы балалар бакчасының тәрбиячесе Рәмилә Әхмәтҗанова.