Бакчабызда Сөмбелә бәйрәме

Безнең 77нче «Теремкәй» балалар бакчасында шушы көннәрдә матур көзгә багышланган Сөмбелә бәйрәмнәре гөрләп үтте. Бәйрәмебез кунаклары мул уңышлы Сөмбелә үзе, тырыш Бакчачы бабай, хәтта урман хуҗасы Шүрәле үзе дә рәхим итеп килгәннәр иде.

Бәйрәм кичәсе җыр-моң, биюләр, уен-көлке белән дәвам итте.Балалар шулай ук Сөмбеләгә ятлаган шигырьләрен матур итеп башкардылар, мәкаль-әйтемнәрен сөйләп күрсәттеләр. Сөмбеләнең сорауларына төгәл итеп җавап бирделәр. Бәйрәм ахырында матур көз балаларны үзенең мул уңышы белән сыйлады. Балалар бәйрәм кичерешләреннән бик шат һәм кәнагәть калдылар.

Хаҗиева Сәрия Рәшитовна; Яруллина Гөлназ Мөстәкыймовна, 77нче «Теремкәй» балалар бакчасы.