Әниләр көненә бүләк

Гадәттә, ноябрь аеның соңгы якшәмбесендә җылы һәм назлы «Әниләр көне»н билгеләп үтәбез. Безгә тормыш бүләк иткән, бөтен йөрәк җылысын биргән, безнең өчен тынгысыз көннәр, йокысыз төннәр кичергән газизләребезгә нинди генә теләкләр теләсәк тә аз булыр сыман.

Бу бәйрәмгә һәркем үзенчә әзерләнә, һәм без дә, 11 төркемгә йөрүче балалар белән, әниләргә чын күңелдән бүләк ясадык. Балалар бик мавыгып, кызыксынып эшләделәр. Килеп чыккан кул эшләрен күреп бик сөенделәр. 

Әниләрне фәрештәләр, диләр,
Фәрештәләр була канатлы.
Ә минемчә газиз әнкәйләрнең
Балаларыдыр ул — канаты.

Барлык әниләргә мәрхәмәтле йөрәк, саулык-сәламәтлек, бәхетле әни булуларын телибез, ә киләчәктә бәхетле әби булырга насыйп булсын!

Чаллы шәһәренең 49нчы «Гөлназ» балалар бакчасы тәрбиячеләре Вахитова Әлфия Равильевна, Җиһаншина Алия Нурулловна, Шәйхуллина Светлана Марселовна.