3нче октябрь – гөмбәчеләр көне

Максат: балаларның гөмбәләр турында күзаллауларын формалаштыру.

Бурычлар:

Белем бирүче:

- Балаларны гөмбәләрнең тышкы күренеше белән таныштыру.

- Предметлар белән эш итә белүне формалаштыру.

Үстерүче:

- Вак һәм гомуми моториканы үстерү.

- Игътибарны, фикерләүне үстерү.

Тәрбияви:

- Табигатькә сакчыл караш тәрбияләү.

- Ярдәм итү теләге тәрбияләү.

Башлангыч эш: Гөмбәләр турында әңгәмә. Гөмбә сурәтләрен карау.

Дәрес барышы.

Тәрбияче: балалар, бүген безгә кунакка Тиен белән Гөмбә кунакка килде.

Тиен: Исәнмесез, балалар. Мин тиен, без бүген сезгә Гөмбә белән кунакка килдек. Гөмбә – бик кызыклы үсемлек ул: аның аягы һәм эшләпәсе бар, күрсәтегез әле, аягын һәм эшләпәсен. (Балалар күрсәтәләр). 

Гөмбә: балалар, минем гөмбәче дусларым булуын бик телим. Сез миңа булышырсызмы?

«Гөмбә җый» уены үткәрелә.

Тәрбияче: Гөмбә, кара әле, балалар сиңа күпме дуслар җыйдылар!

Гөмбә: рәхмәт, дуслар, ә безгә тиен белән урманга китәргә вакыт.

Тәрбияче: ә хәзер, балалар, без сезнең белән гөмбәчеләргә әвереләчәкбез. Гөмбәчеләр – гөмбә җыючы кешеләр. Ә гөмбәләр кайда үсә?

Балалар: урманда.

Тәрбияче: әгәр гөмбә урманда үсә икән, димәк, гөмбә җыю өчен без урманга барырга тиешбез. Сез әзерме?

Физкультминутка

Без урманга киттек (бер урында йөрибез),

Без гөмбә җыябыз (иелеп гөмбәләрне җыйган хәрәкәтләр ясыйбыз).

Ә урманда гөмбә күп (кулларны як-якка җәябез)

Күтәреп алып кайтырлык түгел (җилкәләрне күтәрәбез, төшерәбез).

Машинага төяп алып кайтабыз. (рульне әйләндерәбез).

«Гөмбә ташы» уены.

(Балалар гөмбә муляжларын кәрзингә ташыйлар).

Афәрин, балалар, без күпме гөмбә ташыдык.

Ә хәзер без үзебез гөмбәләргә әвереләчәкбез.

(Балалар гөмбә башлыкларын кияләр).

«Гөмбәче һәм гөмбәләр» хәрәкәтчән уены.

Тәрбияче укый:

«Мин – гөмбәче, сез – гөмбә.

Гөмбә утыра күләгәдә (балалар чүгәләп утыралар).

Бер, ике, өч, дүрт, биш – гөмбә эзләү минем эш.

Ә гөмбәләр курыкты – имән астына качты». (балалар урындыкларга йөгерәләр).

Афәрин, балалар.

Йомгаклау

Бүген безгә кем кунакка килде? (Тиен һәм Гөмбә).

Без Гөмбәгә ничек булыштык? (Аңа дуслар – гөмбәләр җыйдык).

Гөмбә кайда үсә? (Урманда).

Без күпме гөмбә җыйдык? (Күп).

Без гөмбәләрне нәрсә белән ташыдык? (Машинада).

Мустафина Энҗе Юсуповна, Казан шәһәре, 261нче балалар бакчасы.

Фото Фрипик сайтыннан.