Юлбарыс елы килә

Юлбарыска тиңнәр юк.

(Яңа ел тамашасы).

Яңа ел чыршысы янында Күсе белән Куян җырлап утыралар. Үгез керә.

Үгез. Нишләп җырлап утырасыз әле?

Күсе. Нәрсә,ярамый мәллә?

Үгез. Ярый. Тик вакыты ул түгел. Яңа ел якынлаша бит.

Күсе. И ходаем, бөтенләй онытканмын икән.

Куян.Әйе, Үгез елы бетә һәм Юлбарыс елы килә.

Үгез. Мин берүзем Юлбарысны эзлим, ә сез җырлап утырасыз.

Күсе.Әйдәгез бергәләп эзлибез.

(Эзләргә китәләр)

Куян. Кайда соң бу Юлбарыс?

Күсе.Әгәр тапмасак. Яңа ел беркайчан да килмәсә.(Елый)

Куян.Монда күпме бала бар. Бергәләп чакырсак.(Балалар белән “Юлбарыс “ дип бергәләп кычкыралар)

Куян. Аңа исеме белән кычкырырга кирәк.

Күсе.Ә исеме ничек?

Куян.Балалардан сорыйбыз? Исемен кем дибез, балалар.

Күсе. Әйдә “Барсик” дип кушабыз.

(Тавышка Аю керә)

Аю.Нишләп тавышланасыз? Мине йокыдан уяттыгыз.

Куян. Яңа елга әзерләнәбез. Юлбарысны эзлибез. Быел аның елы бит.

Аю.Ә минем елым кайчан була?

Үгез.Син нәрсә, аю ел юк бит.

(Куян,күсе чыгып китәләр)

Аю: Юлбарыс ел буе хуҗа буламы? Ә без беркайчан да. Сезнең ел бар. Ә аю елы юк. (Үз-үзенә.)

Берәр нәрсә уйлап чыгарырга кирәк. Болай булмый. (Аю Юлбарыс битлеге киеп куя.)

(Куян белән Күсе ,Ү гез керә.)

Куян.Ой,кем бу?

Аю. Ырррр...

Күсе. Юлбарыс.Бу синме?

Аю.Әйе.

Үгез.Нишләп синең колакларың олы?

Аю.Сезне әйбәтрәк ишетер өчен.

Куян. Нишләп күзләрең зур?

Аю.Сезне әйбәт күрү өчен.

Куян. Әйдә куышлы уйныйбыз.

(Уйныйлар.Аюның маскасы төшеп китә.)

Үгез. Син нәрсә начарлык эшлисең? Ел бирмәгәннәр, имеш. Син болай да урман хуҗасы инде. Сиңа үпкәләү бер дә килешми. Безгә бәйрәмгә кил.

Аю.Мөмкинме.

Күсе.Әйе,әйе.

Үгез. Яңа елга әз генә вакыт калды. Юлбарысны табарга кирәк.

(Барысы да чыгып китә. Юлбарысны алып керәләр)

Юлбарыс. Мин яңа елга бармыйм. Миннән балалар курка. Алар минем белән дуслашырга да теләмиләр.

Үгез. Мин сиңа 2022нче елны ышынып тапшырам.Бу елга син хуҗа.Сиңа тиңнәр юк.

Күсе.Балалар, әйдәгез Юлбарыска үзебезнең йөрәк җылысын җибәрәбез.

(Балалар кулларын йөрәк турына куеп алалар да арысланга “ыргыталар” )

Балалар янына Юлбарыс та кушыла.

Үгез. Әйдәгез,дусларым, Яңа ел бәйрәменә.

Күсе. Кыш бабай белән Кар кызы кайда соң?

Куян. Әнә киләләр.

Күсе. Бәйрәм бик күңелле булачак.

(Кыш бабай, кар кызы керә)

Кыш бабай .

Ерак араларны якын итеп,

Кар-бураннар туздырып,

Күп бүләкләр алып,

Менә без дә килеп җиттек,

Кар кызы.

Еллар тыныч уздымы,

Исән – сау тордыгызмы.

Шатлык – куанычлар төяп,

Без килдек,дусларым.

Кыш бабай

Уйнагыз,көлегез.

Бәйрәм итегез.

Тыныч булсын

Сезнең һәр көнегез.

Чыршы тирәли җыр җырлап әйләнәләр. Уеннар уйныйлар.

Яңа ел өчен уеннар.

1. Чыршы тирәли бер аякта сикереп чыгу. Кем беренче, шул җиңүче.

2. Скрипкалардан кем озынрак чылбыр җыя.(Музыка беткәнче)

3. 2командага да 3әр шар,скотч, фломастер бирелә. Кем тизрәк, матуррак кар бабай ясый.

4. Кашыкка мамык куеп, чыршы тирәли кем беренче әйләнеп чыга.

5. Тәлинкәгә 5 йомырка куябыз. 5 уенчы чыга. Йомыркаларның берсе чи дип әйтәбез, ләкин барысы да пешкән була. Аларның ашаганын карап тору кызык килеп чыга.

6. Сумкага перчатка, күзлек, купальник, шар, итәк һәм башка шундый кызык әйберләр салабыз. Уенчылар түгәрәкләнеп баса. Музыка уйный. Кемдә туктый,ул бала сумкадан бер әйбер алып кия.Уен сумкада әйбербеткәнче дәвам итә.

7. Кыш бабайга телеграмма язу. Балалардан 12 сыйфат сорап язабыз.

Телеграммада нокталар урынына шул сыйфатларны куеп укыйбыз.

Кыш бабай. Сине.......балалар көтә. Яңа ел иң ........ . бәйрәм. Без сиңа............, ............ җырлар, ................ шигырьләр сөйләрбез, ................биюләр башкарырбыз.Тиздән..........Яңа ел җитә. Сиңа үзебезнең ...............укуыбыз,............ тәртибебез турында сөйләргә телибез. Сәлам белән.........., ............... Олы Арташ төп мәктәбе укучылары.

8. Кемнең шушы бәйрәмгә туган көне иң якыны, шуңа приз бирәбез.

9. П, Р, И, З хәрефләре язылган 4 тартма куела. Тартма эчләренә шул хәрфтән башланган призлар салына. (перчатка, роллтон, ирис конфеты,заколка).Кем дөрес әйтә, шуңа призны бирәбез.

10. Ике бала чакырыла, аларның күзләрен бәйлибез. Чыршыга ике конфет эләбез. Алар шул конфетны эзләп табарга тиеш.

Саба районы Олы Арташ төп мәктәбе укытучысы Дәүләтова Илсөяр Гаязетдин кызы.