Бүгенге көннең кадерен бел!

* Бәхетле, шат күңелле кешеләр  белән ешрак аралашырга  тырыш. Аларның бер-берсенә тәэсире көчле. Бик  тиздән үзең дә  елмая, көлә башларсың.

* Беркайчан  да  зарланма, чөнки барыбер  файда юк, ә  синең тирәдәгеләрнең  кәефе кырылачак. Икенчедән, еш кабатлана торган сүзләрнең тормышка аша торган гадәте бар.  Ешрак зарланган саен, борчу- мәшәкатьләрең артачак кына.

* Бүгенге көннең кадерен бел, ул нинди генә булса да (яңгырлы,  салкын, кояшлы,  мәшәкатьле һ.б.) тәмен  белеп яшә. Һәрбер кичереш-тойгының яхшы якларын  табарга өйрән.