Галимнәр йокларга яту өчен иң дөрес вакытны атады

Лондондагы Баркинг, Хаверидж һәм Редбридж хастаханәләре тикшеренүчеләре, шулай ук Эксетер университеты табиблары тикшеренүләр үткәргән. Алар йокларга яту вакыты белән йөрәк-кан тамырлары авыруларының килеп чыгу куркынычының бәйләнешен өйрәнгәннәр.

Әлеге өйрәнүләрнең нәтиҗәсе «European Heart Journal — Digital Health» журналында урын алган.

Тикшеренүдә 43-79 яшьлек 88 меңнән артык британияле 6 елга якын катнашкан.

Алар тормыш рәвешләре, физик активлыклары һәм сәламәтлекләре турында анкеталар тутырганнар. Соңгы 7 көндә йокы дәвамлылыгы, аның даимилеге һәм йоклап китү вакытын билгеләүче акселерометрлар тагып йөргәннәр.

 Менә нинди закончалыклар ачыкланган:

22:00 дән 22:59 гә кадәр йокларга ятучылар - иң сирәк авыручылар.

22:00га кадәр, 23:00 дән 23:59 гә кадәр һәм 00:00дән соң яту йөрәк-кан тамырлары авыруларының килеп чыгу куркынычын арттыра икән.

Ә сез ничәдә йокларга ятасыз, языгыз әле.