Шигърият
Туган ягы кирәк кешегә
Туган ягы кирәк кешегә! Фәнис Яруллин шигыре.
Читтә йөргән чакта, сагындырып,
Кере өчен төнлә төшенә,
Зәңгәр таңлы, биек аяз күкле
Туган ягы кирәк кешегә.
Зур уңышлар яулап, заманалар
Матур бәя бирсә эшенә,-
Шатлыкларын ишеттерер өчен
Туган ягы кирәк кешегә.
Йөри-йөри күңеле тупасланса,
Тузан кунса яшьлек хисенә,-
Бер сафланып килер өчен тагын
Туган ягы кирәк кешегә.
Яшәр өчен бетмәс көч алырга
Олысына һәм дә кечегә, -
Мәхәббәтле, ямьле, мәрхәмәтле
Туган ягы кирәк кешегә.
Следите за самым важным и интересным в Telegram-каналеТатмедиа
Безнең телеграм каналга язылыгыз «Көмеш кыңгырау»
Комментарии
2
5
Бик мәгънәле шигырь! Ф. Яруллинның бөтен әсәрләренә тирән мәгънә салынган!
0
0
0
0
Туган ягым - яшел бишек.
0
0