Шигърият
Туган тел
Нияз Акмал шигыре
Ул мине мәхрүм итмәгән
Моңнарыннан, җырыннан,
Мин карында чагымда ук
Аккан ул тамырымнан.
Иркәли алмас идем мин
Җирнең иң иркә гөлен, -
Белмәсәм Туган телемне,
Булмаса Туган телем.
Шатлана белмәс идем мин,
Кайгыра белмәс идем,
Ак белән караны хәтта
Аера белмәс идем.
Аера белмәс идем мин
Дөньяның көнен, төнен -
Белмәсәм Туган телемне,
Булмаса Туган телем.
Следите за самым важным и интересным в Telegram-каналеТатмедиа
Безнең телеграм каналга язылыгыз «Көмеш кыңгырау»
Нет комментариев