Нигә күчтәнәч тимәде?

Нигә күчтәнәч тимәде?

Бал кортлары кунак җыйды,

Бал өләште дусларга.

Күчтәнәч күпләп таралды -

Кочакларга, учларга.

Калды өчәү күчтәнәчсез -

Аю, тычкан һәм шөпшә.

Үзләре дә куркып керде,

Өйгә керә-керешкә.

Постылар алар почмакка,

Гаебләрен таныйлар.

Нигә күчтәнәч тимәде,

Инде бүген аңлыйлар.

Ничек шулай килеп чыкты,

Аңлыйсызмы, балалар?

Күпме кунак арасында

Алар балсыз калалар?

Урламасын иде

Вәли бабай, соңламыйм, дип,

Әй, ашыга оныгына.

- Күрмәгәнең күрче улым,

Тәрәзәгә орын гына:

Ай тотыла, Ай тотыла!

Тик оныгы ашыкмады,

Тыныч кына җавап бирде:

- Тотылырлык булгач аны,

Урламаска иде! - диде.