Шигърият
Ә мин дөрес егылам!
Ә беркөнне әти миңа: -Егыла күрмә, улым, - ди...
Һәркөн уйнарга чыкканда,
Әти бирә киңәшен.
- Улым, җылы киенеп йөр,
Берүк салкын тимәсен...
Ә мин аның киңәшләрен
Үтәмичә калмыймын.
Өлкәннәр дөрес әйтә бит,
Мин аларны аңлыймын.
Ә беркөнне әти миңа:
-Егыла күрмә, улым, - ди.
- Син бит гармун да уйныйсың,
Сакла бигрәк кулың, - ди.
Мин аны да истә тотам,
Кирәк сакчыл булырга.
Шуңа әти дөрес итеп
Өйрәтте егылырга.
Мөҗәһит Әхмәтҗанов
Следите за самым важным и интересным в Telegram-каналеТатмедиа
Безнең телеграм каналга язылыгыз «Көмеш кыңгырау»
Нет комментариев