Хыял...

Тәрәзәмне хәзер ешрак ачам...
Ешрак ачам-
Анда Яз исе!
Февраль әле, диеп тормый күңел-
Каурый каләм эзләп
күкләр гизә,
Салып ата богау- җәзасын.
Салып ата авыр туннарын ул,
Иңне басып торган уйларын...
Бөтен барлыгына шатлык тулган!
Көтә башлый...
Зарыгып көтә башлый
(Сөенчегә сөенеч булыр микән?!)
Җир-Ананың яңа тулгагын...
Тыпырдашкан тамчыларга сөенеп,
Бии башлый тамчы көенә.
Тәрәзәмне ешрак ачам хәзер-
Яңа көйләр тулсын өемә.
2017

Лилия Фәттахованың ► шәхси блогына рәхим итегез!