Шигърият
«Бутаган» (Роберт Миңнуллин шигыре)
Роберт Миңнуллинны искә алып, Балык Бистәсе районы Яңа Арыш авылыннан Вәлиева Зәринә шагыйребезнең "Бутаган" шигырен өйрәнгән.
27нче мартта Роберт абый Миңнуллинның вафатына 2 ел булды... Әле дә сагынабыз Роберт абыйны...
Бутаган
Алмаз йөри урамда,
Эшләп йөри ул анда.
Чана шуу – бар эше,
Ап-ак булган бар төше.
Акбай аны күрүгә,
Әй тотынды өрергә.
Аңламый Алмаз берни,
Өрерлек сәбәп күрми.
Ә мин аның Алмазга
Нигә өргәнен беләм:
Бутаган ул Алмазны
Аю баласы белән.
Башында - йонлач бүрек,
Өстендә дә – йонлач тун.
Кем гаепле, ул үзе
Аю кебек булгачтын.
Следите за самым важным и интересным в Telegram-каналеТатмедиа
Безнең телеграм каналга язылыгыз «Көмеш кыңгырау»
Нет комментариев