Люция Әблиева шигыре.
Азаккы чирек җиңелә,
Бик рәхәт чаклар җитә.
Җәйге яллар-каникуллар
Түземсезләнеп көтә.
Укудан бераз ял итеп,
Саф һавада уйнарбыз.
Җитезлектә, кыюлыкта
Рекордлар да куярбыз.
«Хәрәкәт итү файдалы,
Истән сез чыгармагыз.
Аң-акыл камилләшә», – ди
Укытучы апабыз.
ЮХИДИ инспекторлары
Кисәткәннәр дә истә:
«Юл йөрү кагыйдәләрен
Бозмаска кирәк һич тә!»
Люция Әблиева.
Безнең телеграм каналга язылыгыз «Көмеш кыңгырау»
Нет комментариев