Шигърият
Бүген әле коеп яңгыр ява
***
Бүген әле коеп яңгыр ява,
Мәңге туктамаска охшаган.
Иртәгәсен көлеп кояш чыгар,
Ышанам мин шуңа, ышанам.
Башка кайгы төшсә, дусларыма,
Ишләремә сөйләп бушанам.
Алар гына аңлый хәлләремне,
Ышанам мин шуңа, ышанам.
Яшәр өчен җанда өмет барда
Ышанудан бер дә туктамам!
Кемдер шулай миңа ышанадыр,
Кемдер шулай сиңа ышанадыр,
Мин ышанам шуңа, ышанам!
Следите за самым важным и интересным в Telegram-каналеТатмедиа
Безнең телеграм каналга язылыгыз «Көмеш кыңгырау»
Нет комментариев