Авыр-җиңел

Җиңүчедән көнләшмәскә – авыр,

Теләгәнне эшләмәскә – авыр.

Тырышлыкны ташлап китү – җиңел,

Яңа эшне башлап китү – авыр.

Ялган сүзләр-күзләр күрү – авыр,

Үз-үзеңне алдап йөрү – җиңел.

Дөрес карар кабул итү – авыр,

Ялгыш карар кабул итү түгел.

Әгәр дә хаксыз сүксәләр – авыр,

Башкаларга тиз ышана күңел.

Ышанмыйча яшәү бигрәк читен,

Авыртмыйча йөреп тору – җиңел.

Текә тауга күтәрелү – читен,

Биеклектән кире төшү – читен.

Хыялыңда очып китү – җиңел...

Чынбарлыкны дөрес кабул иттем!

Әмир Фәрхуллин, Мамадыш районы, Кече Кирмән.