«Хәзинә» дә күрдем, бүләкле дә булдым

Та­тарс­тан­ның ха­лык язу­чы­сы, Г.Ту­кай пре­ми­я­се лау­ре­а­ты Га­риф Аху­нов исе­мен­дә­ге әдә­би пре­мия 2009 ел­дан баш­лап Ар­ча му­ни­ци­паль ра­йо­нын­да бул­ды­рыл­ды. Пре­мия 35 яшь­кә ка­дәр­ге яшь­ләр­гә әдә­би­ят­та, сән­гать­тә иреш­кән уңыш­ла­ры өчен би­ре­лә, бы­ел ин­де 12нче тап­кыр уз­ды­ры­ла. Һәм күп­тән тү­гел Ар­ча ра­йо­ны Үзәк ки­тап­ха­нә­сен­дә әле­ге пре­ми­я­не тап­шы­ру тан­та­на­сы уз­ды. Бу ва­кый­га һәр­чак җы­лы оч­ра­шу­лар­га һәм кү­ңел­ле миз­гел­ләр­гә бай. Бы­ел да рес­пуб­ли­ка­быз язу­чы­ла­ры һәм ша­гыйрь­лә­ре бу ча­ра­ны игъ­ти­бар­сыз кал­дыр­ма­ды. Тра­ди­ци­он рә­веш­тә ки­чә­дә Га­риф Аху­нов­ның кы­зы, ша­гый­рә, әдип исе­мен­дә­ге бер­ләш­мә җи­тәк­че­се На­и­лә Аху­но­ва кат­наш­ты. На­и­лә ха­ным әти­се ту­рын­да ис­тә­лек­ләр бе­лән бү­леш­те, ки­тап­ха­нә­гә үзе­нең һәм ире – та­ныл­ган ба­ла­лар ша­гый­ре, тәр­җе­мә­че Бо­рис Вай­нер­ның яңа ки­тап­ла­рын бү­ләк ит­те.

Ча­ра­ның та­гын бер ку­на­гы, күп пре­ми­я­ләр ия­се, ша­гыйрь Рә­мис Ай­мәт тә әдип ту­рын­да җы­лы ис­тә­лек­лә­рен сөй­лә­де. Га­риф ага аңа бо­лай дип әй­тә тор­ган бул­ган: «Мин, Рә­мис, ир­тән­ге 5тән 11гә ка­дәр иҗат бе­лән шө­гыль­лән­сәм, кал­ган ва­кы­тым җә­мә­гать эш­лә­рен­дә үтә ин­де». Рә­мис Ай­мәт тә та­ма­ша­чы­га ши­гырь­лә­рен укы­ды һәм ки­тап­ха­нә­гә җы­ен­ты­гын бү­ләк ит­те.

Ча­ра ба­ры­шын­да әдип­нең «Хә­зи­нә» ро­ма­ны бу­ен­ча тө­ше­рел­гән нә­фис фильм­нан өзек­ләр күр­сә­тел­де. Ан­нан дул­кын­лан­ды­р­гыч миз­гел – бү­ләк­ләү тан­та­на­сы баш­ла­нып кит­те. Бу ел­ны кат­на­шу­чы­лар өч но­ми­на­ци­я­дә көч сы­наш­ты: поэ­зия, пуб­ли­цис­ти­ка, про­за. Һәм ба­ры си­гез ка­ләм ос­та­сы­на Га­риф Аху­нов пре­ми­я­сен алу на­сыйп бул­ды. Бу бү­ләк­не язу­чы­лар ку­лын­нан алу – яшь та­лант­лар өчен үзе дә­рә­җә. Һәм мин дә бү­ген­ге көн­нән го­рур­ла­нып шу­шы зур исем­не йөр­тәм! Әм­ма исе­ме һәм бү­лә­ген­нән тыш, мон­дый шә­хес­ләр бе­лән оч­ра­шып сөй­лә­шү ге­нә дә – үзе бер бә­хет!

Язу­чы­лар­быз: «Без­гә ал­маш юк», –  дип бор­чы­ла. Лә­кин, ми­ңа кал­са, бор­чы­лыр­лык урын юк. Әле­ге ча­ра­дан соң мин мо­ңа инан­дым.

Ай­гөл Фәт­та­хо­ва, Ар­ча ра­йо­ны, Шуш­ма­баш мәк­тә­бе.