Укытучы апам

Укытучым — Миргалимова Эльвира Вакыйф кызы, һәр иртә безне елмаеп каршы ала. Дәресләрне кызыклы һәм мавыктыргыч итеп алып бара ул. Безгә үзенең акыллы киңәшләрен бирә, тәртипле булырга өйрәтә. Бик матур, моңлы итеп җырлый да әле апа. Үзе генә дә җырлап калмый, миңа да җырлар өйрәтеп, сәхнәгә чыгара.

«Йолдызлык» конкурсында 2 ел рәттән призлы урын яуладым. Мәктәптә үткән чараларда катнашам. Аның өлгерлегенә мин таң калам. Эльвира апаны Укытучылар бәйрәме белән котлыйм. Аңа ныклы сәламәтлек һәм уңышлар телим. 

Актаныш районы, Теләкәй мәктәбе, Асанова Кира, 3нче сыйныф.