Татар Ямалы мәктәбендә Хәйрия ярминкәсе узды

Әлеге атнада махсус хәрби операциядә катнашучы егетләребезнең гаиләләренә ярдәм итү йөзеннән хәйрия ярминкәсе үткәрдек.

Мәктәп, балалар бакчасы коллективы, укучылар, ата-аналар кул эшләре, пешерелгән ризыклар алып килделәр. Ярминкәдән кергән өлешне егетләрнең гаиләләренә бүлеп бирергә карар кылдык.

Укучылар батырларга матур рәсемнәр, эчтәлекле открыткалар да ясадылар.Изгелеккә кечкенә өлеш кертә алуыбызга без бик шат.

Дөньялар тынычланып, сугышлар тизрәк тәмамлансын иде, барлык батырлар исән-имин туган йортларына әйләнеп кайтсалар иде, дигән теләктә калабыз!

Тат. Ямалы мәктәбе коллективы.