«Тамчы-шоу»га курку-курка бардык

Безнең мәктәптә «Мин татарча сөйләшәм» түгәрәге эшли. Аның җитәкчесе – укытучыбыз Лениза Шакирҗановна Сираҗиева. Без түгәрәктә татар халкының гореф-гадәтләре, йолалары, тарихы турында өйрәнәбез. Төрле чараларда катнашабыз.

8нче февраль көнне укытучыбыз белән бергә Казан шәhәренә юл тоттык. «Шаян ТВ» каналында барган «Тамчы-шоу» тапшыруында  катнашу иде максатыбыз. Курка-курка бардык, билгеле. Әмма бик яхшы каршы  алулары безне бераз тынычландырды. Студиягә кергәч, гел тынычланып калдык. 

Без ике командага бүленеп көч сынаштык. Төрледән-төрле сорауларга җавап бирдек, җитезлектә көч сынаштык.

«Шаян» телевидениесендә безгә бик ошады. Яңа уйлар, өметләр, идеяләр белән яраткан Чаллыбызга кайттык.

Камилә Закирова, Чаллы шәһәре, 53нче мәктәп, 7А сыйныфы.