Россиядә юл хәрәкәте куркынычсызлыгы атналыгы башланды

Россиядә балалар катнашындагы аварияләрне киметү максаттыннан, юл хәрәкәте куркынычсызлыгы атналыгы башланды. Ул 16нчы сентябрьдән 22нче сентябрьгә кадәр дәвам итә.

Бу атналыкта юл хәрәкәтендә иң яшь катнашучыларның иминлек проблемаларына игътибарны җәлеп итүгә юнәлдерелгән агарту чаралары узачак дип белдерде ЮХИДИ профилактика бүлеге җитәкчесе Ләйсән Рәдиф кызы Мөхәмәтова.

Бүген безнең Аккүз мәктәбендә укучылар, ата-аналар белән очрашу булды. Анда балаларның иминлеге, юлда үз-үзләрен тотышлары турында сөйләштек. Кагыйдәләрне төгәл үти белүгә гаиләдә нигез салына. Ләйсән Рәдиф кызы бергәләп кагыйдәләрне төгәл үтәргә, игътибарлы булырга чакырды.

Назлыгөл Шәйдуллина.

Автор фотосы.