«Россия бөркетләре» антын кабул иттек

13нче ноябрь көнне Актаныш районы Аккүз төп гомуми белем бирү мәктәбендә башлангыч сыйныф укучыларына «Россия бөркетләре» значокларын тапшыру тантанасы узды.

Тантана Россия Федерациясе һәм Татарстан Республикасы дәүләт гимннарын башкару белән башланып китте. Булачак бөркетләр батырлык, туган илне ярату турында шигырь һәм җыр башкарганнан соң, бөркетләрнең кануннары белән таныштылар.

Үз Ватаныңны яратырга, тырышып укырга, өлкәннәргә игелекле булырга, кайгыртучанлык күрсәтергә, үз сузеңдә торырга тантаналы вәгъдә бирделәр. Мәктәбебезнең яшь «Россия бөркетләре»н мәктәп директоры Җәмилов Ринат Флүн улы тәбрикләде.

Айзилә Әхмәтова.