Раббани Шәрипов истәлегенә балалар арасында көрәш турниры узды

30нче ноябрь көнне Тукай районы Түбән Суыксу авылында көрәш буенча Татарстан һәм РСФСР чемпионы Раббани Шәрипов истәлегенә балалар арасында көрәш турниры уздырылды. Без, Пучы балалар иҗат үзәгендә шогыльләнүче 12 көрәшче катнаштык бу ярышта.

Турнирда 11 районнан 200ләп көрәшче бил алышты. Чараның мөхтәрәм кунагы булып ТР Дәүләт Советы Рәисе урынбасары, Татарстан көрәш федерациясе Президиумы рәисе Марат Әхмәтов килгән иде.

Ярышның нәтиҗәләре буенча Актаныш районы командасы лаеклы 2 урынга ия булды. Шәхси бүләкләнүчеләр түбәндәге егетләребез булды:

Хөснетдинов Рөстәм - 1 урын,
Шәмсиев Ильяс - 1 урын!

Инсаф Газизов, Актаныш районы Пучы балалар иҗат үзәгенең "Яшь хәбәрче" түгәрәге укучысы.