Мәктәбебездә уңыш бәйрәме үтте

Безнең мәктәптә уңыш бәйрәме булды. Өстәлләргә бакча җимешләрен тезеп куйганнар. Помидорларның кызылы да, сарысы да, алы да бар. Ә алмалар! Ниндиләре генә юк!
Минем әбием белән бабам шундый зур кабак алып килделәр. Җәй көне мин дә бакчада аларга ярдәм иттем, яшелчәләргә су сиптем.
Безнең сыйныф укучылары уңыш бәйрәмендә бик актив катнаштылар. Көз, көзге уңыш турында матур җырлар башкардылар, шигырьләр сөйләделәр. Безнең төркем күрсәткән “Шалкан” әкиятен барысы да җылы кабул иттеләр. Әбиемнең алма пирогы белән соңыннан чәй эчтек. Безгә бик күңелле булды.
Кәлимуллина Камилә, “Адымнар-Алабуга” күптелле белем бирү комплексының 3нче Д сыйныфы укучысы.