Мәчетебездә кунакта булдык

Җәйге каникулның азагында безне авылыбызның мәчетенә кунакка чакырдылар. Безне апаем белән икебезне әбиебез мәчеткә алып барды.

Авылыбызның имам хәзрәте, Рәҗәп бабай Зәкиев безгә бик кызыклы итеп үгет-нәсыйхәт сөйләде. Ислам дине турында матур итеп вәгазь укыды. Бездә белгән догаларыбызны укып күрсәттек.

Очрашуның азагында бик зурлап, өстәл әзерләп чәйләр эчерделәр.

Безне озатканда Рәҗәп бабай, безгә киләсе уку елында уңышлар теләп, озатып калды. Очрашу безнең барыбызга да ошады.

Зарипов Хәйдәр, 1нче сыйныф, Тукай районы Югары Байлар авылы.