«Кызыл төлке» конкурсының «Конферанс» номинациясендә җиңдем

Исәнме, “Көмеш кыңгырау “! Синең белән сөенечемне уртаклашасым килә. Мин Мулланур Вахитов исемендәге 2нче гимназия уздырган «Кызыл төлке» конкурсының «Конферанс» номинациясендә катнашып, 2нче дәрәҗә лауреат булдым.

Бәйге алдыннан бик дулкынланган идем, жюри әгъзаларының ягымлы карашларын күргәч, бар борчуларым юкка чыкты.
Төрле номинацияләрдә, төрле яшьтәге катнашучыларны туплаган бәйге бик оешкан төстә барды. Барлык катнашучылар да үзләренең сәләтләрен күрсәтте.
Минем, үз чиратымда, «Кызыл төлке» бәйгесен оештыручыларга, конкурсантларны гадел бәяләгән жюри әгъзаларына бик зур рәхмәт әйтәсем килә.
2нче санлы Актаныш урта мәктәбенең 2нче Б сыйныфы укучысы Габдрахманова Алия.