Күңелләргә кереп калган көн

Безнең җәебез бик күңелле үтте. Авылыбыз клуб ишегалдында атна саен кызыклы бәйрәмнәр үткәрелде. Истә калганнарның берсе күрше авыл китапханәчеләре оештырган бәйрәм булды.

Безнең өчен мастер-класслар, әкиятләр буенча викториналар оештырдылар. Аннары бергәләп асфальтта рәсемнәр ясадык, кызыклы уеннар уйнадык. Бәйрәм азагында китапханәче Гөлсинә апа белән клуб мөдире Әлфия апа тәмле ботка пешерделәр, безнең өчен пикник ясадылар. Әлеге көн җәйнең бер матур мизгеле булып күңелләргә кереп калды. 

Садреева Ралина, 5нче сыйныф, Тукай районы Югары Байлар авылы.