«Көмеш кыңгырау»га шәп реклама ясадык

Хәерле көннәр, көмеш кыңгыраулар!

14нче ноябрь көнне, "Көмеш кыңгырау" газетасы Адымнар-Чаллы мәктәбенең китапханәсендә татарча кыска видеолар төшерү буенча мастер-класс уздырды.

Бу чара ике өлештән торды. Без – балалар икенче өлештә татарча кыска видеолар төшереп карадык. Бу видеоны төшерер өчен төрле-төрле темалар бар иде. Һәм без – Әдилә Искәндәрова белән Илзирә Саматова «"Көмеш кыңгырау"га шәп реклама» дигән теманы сайладык, икенче урынга лаек булдык!

Бу чара безгә бик ошады, зур рәхмәт «Көмеш кыңгырау» газетасының җитәкчеләренә безне чакырган өчен, шундый кызыклы һәм файдалы чараны оештырган өчен!❤️

Әдилә Искәндәрова, 29нчы гимназия укучысы.