Китаплы җәем

Без, башлангыч классларда укучылар, авыл китапханәсендә еш булабыз. Китапханәче Гөлсәрия апа безне яңа китаплар, журналлар белән таныштыра, язучылар, шагыйрьләр турында сөйли.

Төрле бәйрәмнәр, тарихи даталар булса, безне китапханәгә җыеп, кызыклы уеннар, ярышлар оештыра. Җәйге каникулда безгә «Китапстан» китап марафонында катнашырга тәкъдим итте.

Миңа бу марафонда  катнашу бик ошый. Кызыклы китаплар укыйм, төрле иҗади биремнәр үтим. Киләчәктә дә шундый кызыклы чараларда катнашасым килә.

Гөлнур Тимирова, Актаныш районы, Иске Кормаш мәктәбе.

Сүз уңаеннан

Азалия Сибгатуллина һәм Алинә Галиева да «Китапстан» марафонында катнашалар.

Алар Әтнә районы Ташчишмә китапханәсенә йөриләр. Бик күп кызыклы китаплар укыганнар инде.