Күңелемә иң якыны – укытучым минем

Беренче көннән башлап, безне үз канаты астына алып, белем дөньясына алып керде. Безне язарга, санарга, укырга өйрәтте.

Флүзә Габдулловна – гадел, түземле, ягымлы, олы йөрәкле, уңган укытучы. Нәкъ үзебезнең әни кебек. Ул безне ярата, безнең үзара дус, әйбәт булуыбызны тели. Аның дәресләре бик күңелле үтә, аңламаган темаларны кат-кат аңлата. Апаның белмәгән нәрсәсе юк, безнең бөтен соравыбызга җавап таба ул. Флүзә апа һәр яктан да безгә үрнәк кеше. Мин аны бик яратам, авыр эшендә уңышлар, сәламәтлек телим! Хәкимҗан Халиковның бу шигыре аңа атап язылган кебек:

Барыбызга бер генә,

Белмим, ничек өлгерә.

Үзе шундый сөйкемле,

Нәкъ әнием шикелле.

Шат йөзле укытучым,

Күңелемә иң якын

Кеше ул шуның өчен!

Ул минем укытучым!

Самина Нуриева, Чаллы шәһәре, 2нче гимназия, 2В сыйныфы.