Каләм әһелләре бездә кунакта!

Чаллы шәһәре мәктәпләрендә әдәбият көннәре узды. Шул уңай белән Гали Акыш исемендәге 84нче лицейга татар дөньясын соклангыч иҗатлары белән бизәп яшәүче язучыларыбыз Ләбиб Лерон, Рафаил Газизов, Мөхәммәт Мирза, Айзирә Имамова килгән иде. Актлар залында шигъри тәлгәшләр белән үрелеп барган бүгенге кичә һәр укучы күңелендә озак сакланыр. Искиткеч җылы вә бай эчтәлекле, ихлас очрашу булды.

Икенче өлештә шагыйрьләребез сыйныфларга таралдылар. 11нче, 9нчы чыгарылыш сыйныф укучылары белән узган әдәбият дәресендә татар телебезнең һәр җирдә кирәкле тел булуы, туган җиребезнең матурлыгы турында сөйләнде, киләчәккә киңәшләр бирелде. Лицейга килгән һәр кунакның безгә тагын киләсе килеп китә. Аның сәбәбе бик гади.
Каләм әһелләрен, әдәбиятны кадерли, олылый беләләр шул безнең лицейда!!!

Хөсәенова Диләрә, 7А сыйныф укучысы.